آخر المواضيع
Loading...

الجمعة، 21 يوليو، 2017

كل ما يخص التعليم بالتعاقد (التكوين ، الأجرة ، الحقوق والواجبات ، تصحيح المفاهيم )

السلام عليكم ورحمة الله وبركاته
اهلا بكم متابعي 

كل ما يخص التعليم بالتعاقد (التكوين ، الأجرة ،الحقوق والواجبات،تصحيح المفاهيم) Aucun texte alternatif disponible.

ملاحظة : جميع المعلومات هي من مصادر موثوقة ( موظفون في المديرية الاقليمية و أساتذة التعليم بالتعاقد للسنة الماضية )
نبداو على بركة الله 

=========== التكوين ============
أولا التكوين سيبدأ الأسبوع المقبل كم جاء ف المذكرة , و كاين التكوين عن بعد ( الانترنت , و الكوين ف المراكز ) و هاد العام الأساتذة المتعاقدين سيتم تكوينهم ف جميع العطل المدرسية ( العطلة الصيفية , العطلة البينية للدورتين 1 و 2 , عطلة الدورة 1 ). و ف هاد التكوين سيتم دراسة مصوغات ( مواد كالديداكتيك و التقويم و التدبير و .... ) و ف نهاية السنة سيتم اجراء امتحان ف هادوك المصوغات. و هاد نقطة الامتحان هي الفيصل ف الاستمرار ف العمل أو يقولو ليك باي باي مع السلامة شكرا على الزيارة  , يعني الى قدر الله و مانجحتيش ف الامتحان غاتخدم عامين و صافي , و الى نجحتي : من بعد هاد العامين العقد غايبقى يتجدد تلقائيا كل عام.
خلاصة : الى نجحتي غاتخدم عامين و ف هاد العامين غايكونو امتحانات , الى نجحتي را غاتكمل الخدمة و العقد يتجدد تلقائيا كل عام , ما نجحتيش ف هادوك الامتحانات العقد يلغى , و لكن ماتخلعوش الامتحانات الأغلبية كاينجحو 
=========== الأجرة ============
بالنسبة للأجرة فهي أكثر من أجرة الأساتذة المرسمين ( تقريبا بزيادة 300 درهم ) و ذلك راجع الى الفرق ف اقتطاعات التقاعد , مثلا ف صناديق التقاعد كاين 2 و هما RECAR (الصندوق الخاص بالأساتذة المتعاقدين و تقريبا تقطع نسبة 6% ) و CMR ( الصندوق الخاص بالأساتذة المرسمين و تقريبا تقطع نسبة 14% ) , هذا هو السبب.
لكن ف التقاعد سيصبح العكس , يعني أن الأساتذة المرسمين غاتكون عندهم أجرة أكثر من الأساتذة المتعاقدين.
نجيو للمعقول و نقولو شحال قيمة هاد الأجرة , ف جهة الرباط سلا القنيطرة الأجرة هي 5148 درهم , و ف جهة درعة تافيلالت الأجرة هي 5344 درهم , كل ما كانت المسافة بعيدة على العاصمة كلما الثمن يرتفع.
ملاحظة : الأجرة لا تتعلق بالسلك ( ابتدائي , اعدادي , ثانوي ) بل تتعلق بالسلم و الأقدمية و عدد الأطفال و الزوجة 
========== الحقوق ============
بالنسبة للحقوق فهي مثل حقوق الأساتذة المرسمين ما ناقصين حتى حاجة , يعني عندهم الحق ف التغطية الصحية و التقاعد و الانخراط في مؤسسة محمد السادس للنهوض بالأعمال الاجتماعية , التعويض عند حوادث الشغل , الرخص المرضية , الحق ف الترقية.
ملاحظة : بالنسبة للترقية من السلم 10 الى السلم 11 فهي تتم بعد اتمام 6 سنوات من العمل و يكون لديك الحق في اجتياز المباراة للارتقاء بالسلم , و الى مانجحتيش ف المباريات غاتسنا 10 سنوات و ترقى ب الأقدمية , و الترقية بالشواهد ( الماستر و الدوكتوراه ) ما بقاتش واكلة جا عمو بنكيران و لغاها 
المهم الحقوق هي نفس حقوق الأساتذة المرسمين.
========= الواجبات ==========
بالنسبة للواجبات نفس الشيء مثل الأساتذة المرسمين , كل ما عليك هو تخدم نيشان و بنية صافية و تؤدي المهمة بنجاح صااافي.
======== تصحيح المفاهيم ========
ف هاد الفقرة غانصحح المفاهيم لي غالطة عند بزاف د الناس و لي قراوها ف بعض المجموعات ف الفيسبوك.
1) كايقولو نتا ماضامنش الخدمة و يمكن يلغيو العقد ف أي لحظة و يطردوك : هاد الكلام كاين و لكن بشرط الى ماخدمتيش خدمتك نيشان را الأساتذة مرسمين و كايطردوهم , و لكن الى خدمتي نيشان و معقول و ماتخلقش الفتنة و الصداع داخل المؤسسة حتى واحد ماغايقيصك 
2) كايقولو فاش غاتخدم المفتش غايكون ديما مراقبك و يدير ليك الطيارة ف الخدمة : هاد الهضرة ماكايناش و سولو الناس د السنة الماضية , واحد أستاذ التعليم البتدائي ف السنة المضية ماشافش وجه المفتش كيداير , والمفتش كايجي مرة ف هاد العامين الأولى صافي , يعني را غاتخدم على خاطر خاطرك
3) كايقولو فاش غاتخدم غاتولي بحال العبد و يديرو ليك باخا لي قالوها ليك تقول واخا  : هاد الكلام ماكاين منو واالو , التعامل د المدير و المفتش غايكون عادي بحال الأساتذة المرسمين و كالعادة سولو الناس د السنة الماضية.
4) و أخيرا كايقولو الأجرة غايعطلوها و بلا بلا بلا : الأجرة كاتوصل ف الوقت المحدد , ونزيدكم را الأساتذة المرسمين و كايتعطلو عليهم ف الأجرة.
كتابة Boutayeb Abdelilah / بتصرف...
منقول

ليست هناك تعليقات

جميع الحقوق محفوظة لــ الطريق الى النجاح 2015 ©